ياحيف مات السيف
يا نجد حظك شين من دون سلطان
............هاك القبال اللي علينا خساره
لا والله إلا راح من غير رجعان
.............لا وا حسافه راح حامي دياره
نبكي على فقده شبابٍ وشيبان
............وليا نهيت القلب زادت عباره
تبكيه عذراً عدته خير الاخوان
............ تقول ذخري في زمان الغياره
وتبكيه رملاً حدها شين الازمان
..........عقب الشقا يضفي عليها دثاره
ويبكيه مديونٍ شكا ضيم ديان
.............شاف السعد من عقب هم وحقاره
ويبكيه مرضانٍ عليه الالم شان
....................واصبح معافا عقب ذيك المراره
ويبكيه جيشٍ من سلايل كحيلان
............. جيش السعود اهل الوفا والنماره
من عقب سلطان السعد طير حوران
...................زيزومها وان جاء معادي بغاره
حزنى على فقده كبارٍ وصبيان
.............من فقد ابو خالد سليل الاماره
يا حيف مات السيف والله خسران
...............اللي لصلفات الليالي شعاره
عزاي في اللي في العرب شانهم شان
...........نسل الحرار اللي بعالي جداره
ال السعود مرجحت كل ميزان
..............اهل العزوم الهايله والجساره
والله يديم الامن في كل الاوطان
........... وراح العديم اللي علينا خساره
الرئيسية
